多云 22℃～31℃

　　“不想拥有太多情绪，一杯红酒配电影，在周末晚上关上了手机，舒服窝在沙发里……”一首《没那么简单》真系唱出咗时下唔少白领朋友嘅心声。辛辛苦苦捱过一个星期，终于又可以唞唞啦！听讲嚟紧几日仲会有雨，不如同HONEY窝喺屋企，睇下电视，听下音乐，叹杯赫柏，讲下心事……嗯，其实，生活真系可以惬意得嚟又浪漫。

　　五月廿柒

　　瑜伽指数：5

　　逛街指数：3

　　雨伞指数：4

　　饮食指数

　　夏日冷饮

　　DIY爽

　　喺街边见到D珍珠奶茶店大排长龙，就知道夏日冷饮嘅销路有几好。不过总系担心出边D唔系咁干净，不如自己用酸奶机、榨汁机等小家电嚟DIY冷饮啦！听讲一杯牛奶就可以做出酸奶和奶酪啦，好味、健康又悭钱，“神马”添加剂都是浮云！

　　购物指数

　　网上买米

　　团购靠谱

　　听讲呢两日猪肉又涨价。喺家阵咩都话涨就涨嘅日子，柴米油盐真系要悭得就悭，不过总唔能够食唔饱嘎？想买米买得平，听讲网购都几靠谱。而且家阵买米都冇人自己去搬嘎啦，多数系叫快递送上门，噉就不如团购啦，同隔离屋一齐买，分分钟悭唔少。

　　美容指数

　　“震震”眼霜

　　均匀按摩

　　电动牙刷你就见得多，有冇用过电动眼霜啊？听讲家阵好多护肤品都流行全自动，皆因多咗个“震动”功能之后，可以令护肤品嘅涂抹更加均匀渗透，同时仲有按摩细嫩皮肤嘅效果添。究竟有冇作用？噉就要试过先至知咯。

　　活动指数

　　支持环保

　　半裸骑车？

　　家阵D后生仔真系咩都要玩新鲜，连支持环保都要用出位嘅方式，要喺大学城组织裸骑行动，不过大学城管委会就发话啦，话唔俾全裸踩单车，但系就允许半裸。到底噉样做系咪真系支持到环保，就不得而知喇。